Почитувани колеги, ви ја пренесуваме поканата од Претседателот на ФДИ Проф. Николај Шарков за учество на конгресот на ФДИ од 4 до 7 септември во Прага.
Конгресот го организираат FDI Светската стоматолошка федерација (FDI) и Стоматолошката комора на Чешката Република.
Конгресот ќе се одржи под покровителство на премиерот на Чешката Република, инг. Андреј Бабиш, заедно со високи претставници на чешката влада и јавните институции, меѓу кои Министерството за здравство, Министерството за индустрија и трговија, Министерството за образование, млади и спорт, градоначалникот на Прага и ректорот на Карловиот универзитет.
Покрај висококвалитетната научна програма и меѓународната изложба, социјалниот дел од програмата вклучува свечена гала-вечера во историската Шпанска сала на Прашкиот замок и „Прашка вечер“ во препознатливата Општинска куќа.
Регистрацијата за Светскиот стоматолошки конгрес за 2026 е во тек и може да се направи преку следниот линк
Прочитајте го писмото доставено до Претседателот, кое беше испратено по електронска пошта, преку следниот линк.
